Կան մարդիկ, ովքեր պատրաստ են ում հետ ասես և ինչի վրա ասես գրազ գալ: Այդ մարդիկ ամեն ինչ կանեն, որպեսզի գրազը հաղթեն, սակայն արդյունքները երբեմն արհավիրքային են լինում:
1. 1996թ. Բրայան Զենբեքը ընկերոջ հետ գրազ է եկել, որ կանացի կուրծք կունենա և դրանով մեկ տարի կմնա, որի համար 100 հազար դոլար կստանա: Պարզվում է, որ պլաստիկ վիրաբույժը նույնպես խաղամոլ է եղել և Բրայանին պարտվել է նարդիի խաղը, որի արդյունքում 4500 դոլար արժողությամբ վիրահատությունն անվճար է արել: 18 տարի է անցել: Զենբեկը դեռ կանացի կուրծք ունի և դրա համար տարեկան 10 հազար դոլար է ստանում:
2. Ինչ է լինում, երբ ալկոհոլը խառնում են պոկերի հետ: 22-ամյա նորզելանդացին այժմ 99 բառից կազմված անուն է կրում: Նա դրան համաձայնել է հարբած վիճակում և իր փոխված անունի մասին տեղեկացել է միայն այն ժամանակ, երբ հին անձնագիրը փոխել է նորով, որի մեջ արդեն նշված է եղել 99-բառանոց անունը: Նա իհարկե կարող է 127 դոլար մուծելով փոխել իր անունը, եթե ճիշտ կազմված փաստաթղթեր ներկայացնի համապատասխան մարմիններին:
3. Պոկեր խաղացող «պրոֆեսոր» Լեդերերը բուսակեր է, իսկ նրա ընկերը գրազ է եկել հետը, որ նա տավարի մսով համբուրգեր չի ուտի, և պարտվել է: Պրոֆեսորը կերել է համբուրգերը, որի համար 10 հազար դոլար է ստացել: Փոխարենը նա ձիթապտուղ ատող ընկերոջն առաջարկել է ուտել դրանից, սակայն վերջինս հրաժարվել է և մեկ օրում 20 հազար դոլար կորցրել:
4. Ջոն Գրանտը և նրա կինը, որոնք ֆուտբոլային տարբեր թիմերի են երկրպագում, գրազ են եկել, որ նա, ով երկրպագում է պարտվող թիմին, էլեկտրաշոկի մի քանի հարված պետք է ստանա: Այդ օրը հաղթել է Ջոնի երկրպագած թիմը, որի պատճառով կինը էլեկտրաշոկի երեք հարված է ստացել:
5. Բրիտանացի Էշլի Ռևելեն 2004թ. խաղատանը իր բոլոր միջոցները՝ 135 300 դոլար, դրել է խաղասեղանին և, վերջին պահին խաղադրույքը կարմիրի վրա փոխելով, հաղթել ու կրկնապատկել ունեցած գումարը: Նա խաղատան աշխատակցին 600 դոլար է նվիրել և վերադարձել տուն:
6. Եվս մեկ հարբած գրազ. 36-ամյա Ուիլյամ Բոնները համաձայնել է վառել սեփական գլուխը: Հարբած Բոնները իր ընկերներից մեկին խնդրել է գլխին Bacardi 151 ռոմ լցնել և վառել՝ գրազ գալով, որ գլուխն իրոք կվառվի: Եվ գլուխն իսկապես վառվել է:
7. 2007թ. Անդրեյ ի փողերը վերջացել են, երբ նա իր մրցակից Սերգեյ Բրոդովի հետ պոկեր է խաղացել: Այդ ժամանակ նա առաջարկել է խաղալ սեփական կնոջ վրա: Ի դժբախտություն Կարպովի՝ նա կնոջը ևս պարտվել է, սակայն կինը դրանից շատ չի տխրել, ամուսնացել է հաղթողի հետ:
8. Սկսնակ ռեփեր Ջոն Փաուելը 2010թ. ելույթ է ունեցել ընտանեկան երեկույթին և առաջին հայացքից անմեղ գրազ է եկել Ջիմմի Մաուտցի հետ, որ կկարողանա դիմանալ երեկույթին ներկա ցանկացած աղջկա հարվածին: Հարվածը հասցրել է 22-ամյա Տիֆանի Ստարցը, որից հետո երիտասարդը գետնին է տապալվել և մահացել: Պարզվում է, որ հարվածի հետևանքով պայթել է նրա պարանոցի երակը, որի պատճառով մահացու վնասվել է ուղեղը:
