Ամերիկացին սուպերհերոսների մասին հազվադեպ կոմիքսների ժողովածուն, որը թողարկվել է ХХ դարի կեսերին, ինտերնետ-աճուրդում վաճառել է 1.5 մլն դոլարով՝ հայտնում է Associated Press-ը:
Կոմիքսների սիրահար Ջոն Ուայսն իր հավաքածուն հավաքել է ավելի քան 30 տարի: Ժողովածուն վաճառվել է Comicconnect.com ինտերնետ-աճուրդի տանը:
Վաճառված ժողովածուում ընդգրկված է սուպերհերոս Ֆլեշի մասին կոմիքսների առաջին հրատարակության 1940 թվականի նմուշը (182 հազար դոլար), նաև նույն ժամանակաշրջանի Սուպերմենի և Բեթմենի մասին պատմությունների առաջին հրատարակությունները, որոնք երկրպագուները գնել են համապատասխանաբար՝ 172 և 137 հազար դոլարով:
Հավաքածուի նախկին տերը նշել է, որ ֆիլմերում և հեռուստասերիալներում սուպերհերոսների համբավի մեծ աճն իրեն թույլ է տվել շահավետ կերպով վաճառել իր ժողովածուն: Ստացված գումարով Ուայսը մտադիր է նոր տուն գնել ու վճարել իր թոռների քոլեջի վարձը:
