Երեքշաբթի օրը ԵՄ բարձրաստիճան պաշտոնյաները հայտարարել են, որ ԵՄ-ն պատրաստվում է այս ամսվա վերջին Ուկրաինայի հետ մասշտաբային առևտրային և քաղաքական համաձայնության կնքմանը, բայց դեռ վստահություն չկա, որ այն պատրաստ կլինի ժամանակին: Այս մասին գրում է The Wall Street Journal-ը:
«ԵՄ-ն Մոլդովայի և Վրաստանի հետ առևտրային և քաղաքական պայմանագրեր կստորագրի հունիսի 27-ին Բելգիայում ԵՄ անդամ երկրների ղեկավարների հանդիպման շրջանակում»,- նշում է պարբերականը:
«Երեքշաբթի օրը ԵՄ բարձրաստիճան պաշտոնյան հայտարարեց, որ բլոկը հույս ունի նույն օրը վերջնականապես ձևակերպել Ուկրաինայի հետ Ասոցացման համաձայնագիրը, բայց դեռ տեխնիկական մանրուքներ կան, որոնք կարող են ձգձգել դրա ստորագրումը: Դրանց թվում է պահանջը, որ որոշ անդամ երկրների խորհրդարանները վավերացնեն այդ որոշումը»,- ասվում է հոդվածում:
«Անցած շաբաթ, եվրոպացի որոշ դիվանագետների խոսքով, Պյոտր Պորոշենկոն ԵՄ գլխավոր ղեկավարությանը տեղեկացրել է, որ իրեն մի փոքր ժամանակ է պետք, մինչ ինքը համաձայնութուն կտա ստորագրման օրն ընտրելու համար: Ըստ պաշտոնյաների՝ նա նշել է, որ նախաձեռնությունը պետք է գա իրենից, այլ ոչ Բրյուսելից: Ամեն դեպքում, Պորոշենկոյի վարչակազմը հինգշաբթի օրը հայտարարություն հրապարակեց, որում ասվում է, որ ինքն ուզում է համաձայնությունը հնարավորինս շուտ ստորագրել»,- նշում է պարբերականը:
