Դո´ւրս մեր գրպանից» երթին այսօր մասնակցել է շուրջ 200 մեքենա, հիմնական մասնակիցները տաքսու վարորդներ են: Նրանց պնդմամբ՝ օրը 12 ժամ և ավելի մեքենա են վարում, իսկ այդ ընթացքում տուգանքներ են կուտակվում. Ամեն քայլափոխի տուգանվելու ծուղակ կա՝ արագաչափ սարքեր, տեսախցիկներ, հիմա էլ՝ կարմիր գծեր, իսկ վարորդները ընտանիք պիտի պահեն:
«Դո´ւրս մեր գրպանից» նախաձեռնության անդամ Վարդան Հակոբյանը ընդգեծել է. «Մենք շարունակելու ենք մեր պայքարը, առաջարկություններ ևս ներկայացնելու ենք»: Երթը ավարտվել է 16-րդ թաղամասում՝ Աշտարակ տանող ճանապարհին: Երթի ամբողջ ընթացքին հետևել են ՃՈ աշխատակիցները, ընդ որում՝ նրանք ևս նկարահանել են երթը:
Հիշեցնենք, որ ավտոերթի մասնակիցները պահանջում են՝ 1. վերացնել կարմիր գծերը, 2. փոքրացնել տուգանքները 5 անգամ, 3. մինչ այժմ գրանցված տուգանքների վրա եկած տույժերի նկատմամբ հայտարարել համաներում, 4. դադարեցնել բոլոր տեսակի տուգանքները մինչև նոր կանոնակարգի հաստատվելը: