Չեչնիայի ղեկավար Ռամզան Կադիրովը, որն ավելի վաղ կտրականապես հերքում էր Չեչնիայից ներգաղթածների մասնակցությունն Ուկրաինայում զինված հակամարտությանը, խոստովանել է, որ Դոնեցկի մարզում իսկապես չեչեններ կան: Սակայն, նրա խոսքով, նրանք այնտեղ ընդամենը 14 հոգի են: Կադիրովը չի ճշգրտել՝ նրանք մասնակցո՞ւմ են ռազմական գործողություններին, թե՞ ոչ:
«Այսօր ուկրաինական ԶԼՄ-ները հայտարարում են, որ չեչենցի հատուկ ստորաբաժանումները գտնվում են հարավ-արևելքում՝ Դոնեցկում: Դա բացարձակ սուտ է»,- «Վեստի վ սուբոտու» հաղորդմանը տված հարցազրույցում ասել է Կադիրովը: Այս մասին հայտնում է Ria Novosti-ն:
Կադիրովը խոստովանել է, որ Դոնեցկի մարզում գտնվող Չեչնիայի քաղաքացիների շարքում կորուստներ էլ կան. մեկ մարդ զոհվել է, ևս 4 հոգի վիրավորվել են: Միևնույն ժամանակ, «Կավկազսկի ուզելը», հղում անելով բացառապես ականատեսներին, հայտնել է, որ մայիսի 28-29-ը Ուկրաինայից Չեչնիա է տարվել 35-45 չեչենցու մարմին:
Կադիրովը նախկինում մի քանի անգամ հերքել էր Ուկրաինայում կռվող չեչենների մասին տեղեկությունը:
