Մեծ Բրիտանիայի բնակչուհին ամուսնալուծության փաստաթղթեր է ներկայացրել այն պատճառով, որ ամուսինն անկողնում հրաժարվել է իրագործել իր ցանկությունը՝ ոգեշնչված բեսթսելլեր դարձած «Մոխրագույնի 50 երանգները» էրոտիկ գրքով: Այս մասին գրում է The Daily Mail-ը:
Կնոջ փաստաբան Ամանդա Մակալիստերի խոսքով՝ սա այդ գրքի պատճառով ամուսնալուծության առաջին դեպքն է:
Դատարան ներկայացված փասաթղթերում նշվում է, որ տղամարդն իրեն անկողնում դրսևորում է ծայրաաստիճան պահպանողական, բացի դրանից` վաղուց կնոջը չի շնորհավորում Սուրբ Վալենտինի օրվա առիթով, հաճոյախոսություններ չի անում: Բրիտանական օրենքներով՝ դա բավարար է ամուսնու գործողությունները «ոչ խելամիտ» որակելու համար, ինչը ամուսնալուծվելու ծանրակշիռ պատճառ է:
Մակալիստերի խոսքով՝ այդ հայցը կարող է նման գործերի մի ամբողջ ալիքի պատճառ դառնալ: «Սեռական հարաբերություններում տեղի է ունենում հեղափոխություն: Եթե նախկինում տղամարդիկ գանգատվում էին, որ կանայք իրենց համեստ են պահում անկողնում, ապա հիմա հակառակը` կանայք են ամուսիններին ձանձրալի համարում»:
Է.Լ.Ջեյմսի էրոտիկ վեպը հրատարակվել է 2011-ին և միանգամից բեսթսելլեր դարձել:
Վեպի գլխավոր հերոսներն են միլիարդատեր Քրիստիան Գրեյն ու ուսուանողուհի Անաստեյշա Ստիլը, որոնց կապում են սեքսի վրա կառուցված հարաբերությունները: Վեպի առանձնահատկությունը սադոմազոխիստական սեքսուալ տեսարանների նկարագրությունն է:
Ներկայումս աշխարհում վաճառվել է վեպի ավելի քան 40 մլն օրինակ:
