11 տարեկան երեխաները սեքսի հանդեպ ադեկվատ վերաբերմունք չունեն՝ համացանցում պոռնոգրաֆիայի առկայության պատճառով: Մասնագետների խոսքերով` այդպիսի երեխաներն անիրական սպասելիքներ ունեն, որովհետև սովորել են սեքսուալ հարաբերությունների հիպերտրոֆիկ ձևին։ Այս մասին գրում է The Sydney Morning Herald-ը:
Բացի դրանից, երբեմն երեխաների մոտ պոռնոկախվածություն է առաջանում նախքան նրանց սեռական կյանքով ապրելը, ինչը կարող է լուրջ խնդիրների պատճառ դառնալ: Այս մասին ահազանգում են Պլիմուտի համալսարանի հետազոտողները: Պրոֆեսոր Էնդի Ֆիպպենն ուսուցիչներին խորհուրդ է տալիս դպրոցում առցանց պոռնոյի հարցեր քննարկել:
Հետազոտությանը մասնակցած 1000 կամավորներից ոմանք խոստովանել են, որ իրենք առաջին անգամ համացանցով պոռնոգրաֆիա տեսել են 11-12 տարեկանում:
14 տարեկան մի դպրոցական հայտարարել է. «Ես չեմ հավատում, որ իմ համադասարանցիներից որևէ մեկը պոռնոգրաֆիկ բնույթի տեսնյութ չի տեսել»: Պարզվել է, որ 16-24 տարեկան մարդկանց մեկ երրորդը սեքսը զուգընկերոջ հետ համարում է դժվար՝ համացանցում տեսած նյութի պատճառով:
