Սերժ Սարգսյանն ամերիկյան The Wall Steet Joumal-ին տված հարցազրույցում, որը հրապարակվել է երեկ, կրկին խոսել է պատերազմի վտանգի մասին` խորը մտահոգություն հայտնելով, որ Ադրբեջանն առիթ է փնտրում Լեռնային Ղարաբաղին զինված հակամարտության մեջ ներքաշելու համար: «Ցավոք, ես կարծում եմ. որ Ադրբեջանը հարմար առիթ է փնտրում հակամարտության վերսկսման համար»,- ասել է Սարգսյանը:
«Հայկական ժամանակ»-ը գրում է, որ դրանից բացի, արդեն մի քանի օր է ԶԼՄ-ները գրում են, թե Սերժ Սարգսյանն առողջական խնդիրներ ունի, երկարատև բացակայելու է երկրից, քանի որ նոյեմբերի վերջին կամ դեկտեմբերին արտերկրում ենթարկվելու է բարդ վիրահատության: «Ըստ շրջանաովող լուրերի, նա տառապում է շաքարային դիաբետով և աչքերի հետ կապված խնդիրներ ունի: Հենց այդ պատճառով էլ ՀՀԿ համագումարի օրն այդքան ուշ նշանակվեց: Մեր աղբյուրների պնդմամբ` շատ հնարավոր է, որ համագումարի օրը կրկին հետաձգվի կամ ընդհանրապես չկայանա»,- ահա այսպիսի բովանդակությամբ տեղեկատվություն է շրջում լրատվամիջոցներով:
Կարևոր է սակայն, որ ՀՀ քաղաքացիները վերապահումներով և զգուշությամբ մոտենան ինչպես պատերազմի վերսկսման, այնպես էլ Սերժ Սարգսյանի ծանր հիվանդությունների մասին լուրերին, առավել ևս` եթե դրանք ի հայտ են գալիս նախընտրական շրջանում: Համենայնդեպս, ակնհայտ է, որ նման լուրերի տարածումը բազմիցս օգտագործված և արդեն ձանձրացրած տեխնոլոգիա է, որ կիրառվում է ամեն անգամ` նախընտրական շրջանում կամ ամեն անգամ, երբ Սարգսյանը կանգնած է լինում ներքաղաքական կամ արտաքին քաղաքական ինչ-ինչ խնդիրներ լուծելու առաջ: Այս տեխնոլոգիան ավելի ինտենսիվորեն կիրառվում էր 2008, 2009, 2010 թվականներին, երբ Համաժողովրդական շարժումը դեռ ուժեղ էր և ռեալ վտանգ էր ներկայացնում իրենից: «ՀԺ»-ն բերում է մի քանի օրինակ. «Հժ»-ի 2008 թվականի օգոստոսի 22-ի համարում կարդում ենք. «Նախօրեին մամուլում տեղեկատվության էր հայտնվել, որ Սերժ Սարգսյանն առողջական խնդիրներ ունի: Նշվում էին մի շարք հիվանդություններ, որոնք հայտնաբերվել են նրա մոտ` միզաքարային հիվանդություն, երիկամային խրոնիկ անբավարարություն, դիաբետիկ նեֆրոպատիա և երկրորդ կարգի շաքարային դիաբետ: Սերժ Սարգսյանի առողջական խնդիրների մասին լուրերը շատ համառորեն արդեն երկար ժամանակ է` շրջանառության մեջ են: Իսկ ՀՀ նախագահական ընտրություններից հետո ՌԴ կատարած առաջին այցի կապակցությամբ ռուսական «Կոմերսանտը» գրել էր. «Հայաստանի ընտրված նախագահ Սերժ Սարգսյանը շատ հոգնած մարդ է. աչքերի տակ սև շրջանակներ են, իսկ հայացքում նկատելի է ցավ, որի ծագումը դեռ հայտնի չէ. գուցե դա ցավ է ժողովրդի դժվարին ճակատագրի համար կամ պարզապես ցավ, որի առիթով այցելում են բժշկին»: Իսկ ահա 2010 թվականի մայիսի 25-ին «Հիվա՞նդ է» վերնագրով նյութում «ՀԺ»-ն արձանագրել է armtoժay.info լրատվական կայքի տեղեկությունն այն մասին, որ «Սերժ Սարգսյանն առողջական խնդիրներ ունի, իսկ նրա խոսնակը խուսափում է լրագրողներին այդ կապակցությամբ պարզաբանումներ տալ»: Այդ օրերին նաև համառորեն տեղեկություններ էին տարածվում, որ Սերժ Սարգսյանն ամեն օր այցելում է «Նաիրի» բժշկական կենտրոն:
