Սպիտակ տանը կից Ազգային անվտանգության խորհրդի մամլո ծառայությունում հաստատել են, որ ԱՄՆ նախագահ Բարաք Օբաման Եվրոպա իր այցի ընթացքում մտադիր է հանդիպել Ուկրաինայի նախագահական ընտրություններում հաղթած Պյոտր Պորոշենկոյի հետ: Այս մասին հայտնում է ITAR-TASS-ը:
«Այո, մենք ենթադրում ենք, որ նրանք կհանդիպեն»,- հայտարարել է մամլո ծառայության աշխատակցուհին: Որևէ այլ մանրամասներ նա չի ներկայացրել:
Ավելի վաղ հաղորդվել է, որ արձանագրությունների 98.48 տոկոսի հաշվարկման արդյունքում Պորոշենկոն ստացել է 54.69 տոկոս ձայն: