Ամբողջ աշխարհով մեկ iPhone և iPad սարքավորումների օգտագործողները բախվել են հաքերների կողմից դրանք արգելափակվելու հետ: Այս մասին է հաղորդում The Telegraph պարբերականը:
The Telegraph-ը գրում է, որ դեպքերի մեծամասնությունը Ավստրալիայում է տեղի ունեցել: Apple ընկերությունը այս պահին չի մեկնաբանում իրադրությունը:
Հաքերները արգելափակման համար օգտագործում են Apple Find My Phone ստանդարտ հավելվածը, որն օգտագործվում է գողացված բջջային սարքավորումների որոնման և արգելափակման համար: Սմարթֆոնի այս ծրագիրը հասանելի դառնալուց հետո չարագործները պահանջել են PayPal համակարգի միջոցով 92 դոլար փոխանցել իրենց:
Հաքերներն արգելափակման համար օգտագործում են այն գաղտնաբառերը, որոնք մարդիկ սովորաբար կիրառում են տարբեր առցանց ռեսուրսներում: Գաղտաբառերը հնարավոր է գողանալ նաև վնասակար վիրուսների միջոցով:
Մասնագետները հաքերներից պաշտպանվելու համար առաջարկում են որպես լոգին չօգտագործել էլեկտրոնային փոստի հասցեն: Սմարթֆոնի կամ պլանշետի վրա փին-կոդ տեղադրել և ստուգել օգտագործվող գաղտաբառերի անվտանգությունը:
