Հնդկաստանի իշխանությունները ձերբակալել են խոշորագույն տոնակատարության կազմակերպչին:
«Տարվա երեկույթը», որն իր սիրեցյալի` ռուս գործարար, միլիարդատեր Վլադիսլավ Դորոնինի 50-ամյակի առիթով կազմակերպել էր սուպերմոդել Նաոմի Քեմբելը, ավարտվել է միջոցառման կազմակերպիչներից մեկի ձերբակալմամբ:
Ռաջաստան նահանգի իշխանությունները կալանքի տակ են վերցրել մենեջերին, ով պատասխանատու էր Ջայփուր քաղաքում կազմակերպված միջոցառման համար` նրան ներկայացնելով մեղադրանք երկօրյա ժամանցի ընթացքում երաժշտության ձայնը թույալտրելիի սահմանից գերազանցելու համար:
Իրավապաշտպան մարմիններին էին դիմել տեղացի բնակիչները, որոնց համար անտանելի է դարձել Umaid Bhawan Palace շքեղ հյուրանոցից եկող երաժշտության ձայնը և հրավառության շոուն:
«Մենք ձերբակալել ենք կազմակերպչին, ում համարել ենք օրենքի խախտման մեղավոր, նրան մեղադրանք է ներկայացվել, սակայն գրավի դիմաց նա ազատ է արձակվել»,- մեկնաբանում են օրենքի պաշտպանները:
Անձամբ իրենք` «Սև հովազը» և նրա փեսացուն, հեռացել էին Հնդկաստանից նոյեմբերի 8-ին` իրենց մեղքով առաջացած խնդիրների լուծումը թողնելով հյուրընկալ կողմի վրա: Նաոմի Քեմբելը իր վրա էր վերցրել Դորոնինի ծննդյան առիթով կազմակերպված միջոցառման բոլոր ծախսերը և դժվարությունների լուծումը` կազմակերպելով միանգամից երկու թեմատիկ երեկույթ, որոնց ընթացքում աստղային հյուրերը հագնվել էին հնդկական ազգային տարազներով և 30-ակն թթ. սնդուսափայլ (գլամուրային) կոստյումներով:
Հրավիրված աստղերի թվում էին Միկ Ջագգերը, Քեյթ Մոսսը, Բոբ Գելդոֆը, Յորքշիրի դքսուհին, Դիանա Ռոսսը և այլք:
