Բելգիացի հայտնի նկարիչ Յան Ֆաբրային հետապնդում են բարբարոսական ներկայացումից հետո, որում կատուներին ցած են նետում աստիճաններից:
Ինչպես հաղորդում է Life News-ը, բելգիացի ռեժիսոր և նկարիչ Յան Ֆաբրը ստիպված է եղել փախուստի դիմել իր հերթական ստեղծագործության հրապարակումից հետո, որում մասնակիցները աստիճաններից ցած են նետում մի քանի կատուների՝ սպասելով նրանց «վայրէջքին»:
Ոչ ստանդարտ ներկայացումը բեմադրվել է Անտվերպենի քաղաքապետարանի շենքում: Փափկամազ դերասանները ակնհայտորեն իրենց կամքին հակառակ թռչում են օդում, մլավում այնուհետև ընկնում մարմարե հատակին՝ ծածկված միայն բարակ կտորի շերտով:
Ներկայացումը տևել է մի քանի ժամ, ընդ որում, կենդանիները փախչելու անհաջող փորձեր են ձեռնարկել:
Ներկայացման հոլովակն առաջացրել է կենդանիների պաշտպանների և հասարակ քաղաքացիների բուռն դժգոհությունը:
Ֆաբրը ավելի քան 20,000 էլեկտրոնային նամակ է ստացել՝ սպառնալիքներով և դատապարտումներով: Բացի այդ նրա նկատմամբ յոթ մահափորձ է իրականացվել:
Ֆաբրը ներողություն է խնդրել բոլոր կատվասերներից նման ներկացման համար: Այնուամենայնիվ, նա ամեն գիշեր փոխում է հասցեն ՝ վախենալով վրեժից:
