Արգենտինայում տեղի են ունեցել հակակառավարական զանգվածային ցույցեր՝ ուղղված երկրի նախագահ Քրիստինա Ֆերնանդես դե Կիրշների:
«Ի պաշտպանություն դեմոկրատիայի». սա է եղել գլխավոր կարգախոսը, որ բարձրաձայնել են բողոքի ակցիայի մասնակիցները, հաղորդում է Associated Press-ը:
Ցույցերի ալիքը տարածվել է երկրի բոլոր խոշոր քաղաքներով, միայն Բուենոս Այրեսում փողոցներ է դուրս եկել 700 հազարից ավելի մարդ:
Հաճախ ակտիվիստները ցույցերի կազմակերպման համար օգտագործել են սոցիալական ցանցերի հնարավորությունները:
Արգենտինացիները նախագահին մեղադրել են չմտածված ինտերվենտ քաղաքականություն վարելու համար, որը հանգեցնում է գնաճի ու բարձր ինֆլյացիայի, ինչպես նաև «արժութային ճգնաժամի»:
Ներկայում շարքային արգենտինացիները գրեթե զրկված են արտասահմանյան արտարժույթ ձեռքբերելուց: Բացի այդ՝ ցուցարարները մեղադրում են իշխանություններին հանցավորության դեմ պայքարի անկարողության համար:
Համբերության վերջին կաթիլը լցրել է էլեկտրաէներգիայի զանգվածային անջատումը Բուենոս Այրեսում, ինչի հետևանքով մինչ այս պահը դեռ 200 հազար մարդ զրկված է էլեկտրաէներգիայից:
