Հունաստանում գործազրկության մակարդակը հասել է այդ երկրի համար ռեկորդային՝ 25-ից ավելի տոկոսի, հայտնում է «Ազատություն» ռադիոկայանի ռուսական ծառայությունը:
Վիճակագրության պետական գործակալության տվյալներով` ներկայումս Հունաստանում աշխատանք չունի ավելի քան 1 200 000 մարդ, 15-24 տարեկանների մոտ կեսն աշխատանք չունի:
Չորեքշաբթի օրը երկրի խորհրդարանն ընդունել է խիստ տնտեսության նոր փաթեթը: Այն անհրաժեշտ է Աթենքին, որպեսզի միջազգային հերթական վարկը ստանա: Հունաստանի խորհրդարանի անդամները պնդում են, որ առանց նոր փոխառության երկիրն արդեն նոյեմբերի կեսին չի կարողանա կատարել իր ֆինանսական պարտավորությունները:
Չորեքշաբթի օրն Աթենքում խորհրդարանի շենքի առջև տասնյակ հազարավոր մարդիկ էին հավաքվել` ի նշան հակաճգնաժամային միջոցառումների դեմ բողոքի: