Կարդիֆի համալսարանի 21-ամյա ուսանողուհի Էյմի Մորֆութը, իմանալով, որ իր մայրն ուղեղի քաղցկեղ ունի, ուռուցք ունեցող հիվանդների բուժման համար բավական անսովոր եղանակով գումար է հավաքել: Աղջիկը համոզել է իր 6 ընկերուհիներին` մերկ լուսանկարվել «մերկ» օրացույցի համար:
Այս մասին գրում է բրիտանական The Daily Mail հրատարակությունը:
Լուսանկարների մի մասն արվել է համալսարանի սպորտդահլիճում, մյուսները` գոլֆի խաղադաշտում: Լուսանկարները միաժամանակ և՛ գրավիչ, և՛ ծիծաղելի են ստացվել:
Միսիս Մորֆութը և նրա ամուսինը` Ռիչարդը, Բրիստոլում ոսկերչական ընկերություն ունեն: Նրանց ընտանիքում 3 երեխա կա` Էյմին, նրա կրտսեր եղբայրները` 19-ամյա Լյուիսն ու 15-ամյա Արչին:
Էյմին պատմել է, որ իր ծնողները հպարտ են իր ծրագրով, Լյուիսը շատ է տխրել, երբ տեսել է քրոջ լուսանկարները, որոնք մեծ ազդեցություն չեն ունեցել Արչիի վրա:
Աղջիկները հույս ունեն, որ իրենց ծրագիրը Brain Tumour Charity բարեգործական համայնքին կօգնի ձեռք բերել ուռուցքային զննումների համար անհրաժեշտ 5.500 ֆունտ ստեռլինգը:
