BBC հեռուստառադիոհեռարձակող ընկերության նախկին հաղորդավար Ստյուրատ Հոլը դատապարտվել է ևս երկուսուկես տարվա ազատազրկման անչափահասի նկատմամբ սեքսուալ գործողությունների համար, ասվում է Փրեսթոն քաղաքի թագավորական դատարանի հաղորդագրության մեջ, գրում է Ria Novosti-ն:
2013 թվականի հունիսին 84-ամյա Հոլը դատապարտվել էր 30 ամսվա ազատազրկման անչափահասների նկատմամբ այլասերված գործողությունների համար: Այն ժամանակ նա իրեն մեղավոր էր ճանաչել 14 հանցագործությունների համար, որոնք գործել է 1967-1985 թվականներին: Այն ժամանակ տուժածներից մեկն 9 տարեկան էր:
Իսկ այս տարվա մայիսին Հոլի նկատմամբ դատական նոր գործընթաց է սկսվել, այս անգամ նա մեղադրվում էր 15 բռնաբարության և երկու աղջիկների նկատմամբ մի քանի այլասերված գործողությունների համար: Ըստ մեղադրող կողմի՝ բոլոր դեպքերը տեղի են ունեցել 1976-1981 թվականներին Մանչեսթերի և Չեշիրի արվարձաններում: 84-ամյա Հոլը խոստովանել է, որ այլասերված գործողություններ է արել 13-ամյա աղջկա նկատմամբ, սակայն հերքում է այդ գործի շրջանակներում մնացած բոլոր մեղադրանքները:
Հոլի վրայից հանվել են բռնաբարությունների և այլասերված գործողությունների 4 դեպքերի մեղադրանքները: Այլասերված գործողությունների 2 դեպքում նա մեղավոր է ճանաչվել, ինչի համար էլ ազատարկման ժամկետը երկարաձգվել է: