Մայիսի 27-30-ը Նեապոլում պիցցայի փառատոոն կանցկացվի՝ հայտնում է Euromag-ը: Այսպես իր 30-ամյա հոբելյանը կնշի Նեոպոլիտանական պիցցայի ասոցացիան:
Փառատոնին կմասնակցեն ավելի քան 100 պիցցերիաներ ոչ միայն Նեապոլից և Կամպանիա տարածաշրջանից, այլև ուրիշ երկրներից: Յուրաքանչյուրը կներկայացնի հատուկ մենյու:
Փառատոնի կենտրոնում կլինեն Դանտեի հրապարակի արարողությունները, որտեղ այցելուները կարող են իմանալ ավանդական բաղադրիչների, բաղադրատոմսերի, նեապոլիտանական պիցցայի գաղտնիքների, ինչպես նաև որոշ նորարարությունների մասին:
«Հպարտ եմ, որ պիցցայի համաշխարհային մայրաքաղաքի քաղաքապետն եմ»,- ասել է Լուիջի դե Մաջիստրիսը: Նրա խոսքով՝ պիցցան պարզապես սնունդ չէ, այլ մշակութային և սոցիալական ավանդույթ:
Պիցցայի մեծ տոնն աջակցություն կգտնի ողջ աշխարհում գտնվող նեապոլիտանական պիցցերիաներում:
Ժամանակակից պիցցայի նախատիպը Նեապոլում հայտնվել է XVI դարի սկզբին՝ Եվրոպա լոլիկի մուտքի հետ:
