Իսրայելի անվտանգության մարմինները 4 ուլտրաաջ հրեաների արգելել են մոտենալ Հռոմի պապին՝ գրում է Haaretz-ը: Համապատասխան հրամաններն ուժի մեջ են մինչև Իսրայելում հովվապետի երկօրյա այցի ավարտը: Այդպիսով տեղի իշխանությունները փորձում են կանխել ցանկացած հնարավոր սադրանք:
Ֆրանցիսկոսն Իսրայել կայցելի կիրակի, իսկ անվտանգության մարմիններն անվտանգության աննախադեպ միջոցառումներ են ձեռնարկում՝ ասվում է հրապարակման մեջ:
Շին-Բեթ հատուկծառայությունում մասնավորապես հայտարարել են, որ վերջերս իրենց հաջողվել է տեղեկություն ստանալ, համաձայն որի՝ ուլտրաաջ ծայրահեղականները մտադիր են սադրիչ և անօրինական ակցիաներ կազմակերպել Հռոմի պապի դեմ: Այդ իսկ պատճառով հատուկծառայության ներկայացուցիչները վարչական կալանք են խորհուրդ տվել մի շարք տեղացի ծայրահեղականների համար, և նրանց առաջարկն ընդունվել է:
