Ամերիկյան General Motors ընկերությունը հայտարարել է ԱՄՆ շուկայից 2.4 մլն ավտոմեքենաներ հետ կանչելու մասին: Այսպիսով, տարվա սկզբից աշխարհում խոշորագույն ավտոարտադրողը հետ է կանչել արդեն 13.6 մլն ավտոմեքենա՝ գրում է ITAR-TASS-ը:
Այս անգամ այն առնչվում է մասնավորապես Buick Enclave, GMC Acadia, Chevrolet Traverse 2009-2014 թվականների արտադրության և 2009-2010-ի արտադրության Saturn Outlook 1.3 մլն ավտոմեքենաներին: Դրանց մոտ հայտնաբերված են առջևի նստարանների անվտանգության գոտիների հետ կապված թերություններ:
Հետ են կանչվում նաև 1 մլն Chevrolet Malibu և Pօntiac G6 ավտոմեքենաներ՝ հաղորդիչների միացման ճոպանի հետ կապված թերության պատճառով: Հետկանչման ենթակա են նաև նոր Cadillac Escalade 1.4 հազար նոր ինքնագնացներ՝ անվտանգության բարձիկների հետ կապված խնդիրների պատճառով:
