Արքայազն Չարլզը և նրա կինը՝ Կամիլան, պաշտոնական այցով ժամանել են Կանադա, որտեղ արդեն հասցրել են շփվել զինծառայողների ընտանիքների անդամների և երիտասարդ ֆերմերների հետ, նաև «մրգերի» ու «բանջարեղենի» հետ, գրում է The Chronicle Herald-ը:
Երկուշաբթի օրը Բրիտանիայի արքայական ընտանիքի ներկայացուցիչներին դիմավորել են Նոր Շոտլանդիա նահանգում:
Չարլզն ու Կամիլան ներկա են եղել Մեծ շքերթի Գալիֆաքսում, և արքայազնը խոստովանել է, որ միշտ մեծ ուրախություն է զգում Կանադա այցելելով:
Զույգը նաև այցելել է զինծառայողների ընտանիքների համար ռեսուրսային կենտրոն: Այնտեղ նրանք տեղեկացել են կենտրոնի ծրագրերի մասին, ինչպես նաև «մրգերի և բանջարեղենի հետ զրուցելու եզակի հնարավորություն» են ստացել, նշում է պարբերականը և ճշգրտում, որ Կամիլային և Չարլզին դիմավորել են առողջ սննդի գովազդի համար օգտագործվող խաղողի, բանանի և գազարի հագուստներով կամավորներ:
Այցի ծրագիրը ներառել է նաև այցելություն տեղի ֆերմերների շուկա և Կանադայի ներգաղթի թանգարան:
Չարլզն ու Կամիլան կայցելեն ընդամենը 3 կանադական նահանգ:
