Грузия Online-ի փոխանցմամբ՝ Վրաստանի վարչապետ Բիձինա Իվանիշվիլին շնորհավորել է Վրաստանում ԱՄՆ դեսպան Ռիչարդ Նորլանդին՝ կապված ԱՄՆ նախագահական ընտրություններում նախագահ Բարաք Օբամայի վերընտրվելու հետ:
Լրագրողների հետ զրույցում Իվանիշվիլին հայտարարել է. «Այս տարի դեմոկրատների տարին է: Մեր կուսակցության անվան մեջ նույնպես կա դեմոկրատական Վրաստան, և նայեք գույներին. այս տարի կապույտ գույնի տարի է: Կարծում եմ՝ մենք կարող ենք խորացնել հարաբերությունները մեր ամենամեծ բարեկամի՝ ԱՄՆ-ի հետ: Այդ հաղթանակի կապակցությամբ շնորհավորում եմ նախագահ Օբամային ու ամերիկյան ժողովրդին»:
