Փենսիլվանիա նահանգի ընտրատեղամասերից մեկում առգրավվել է ավտոմատացված կեղծարար սարք, որն ընտրողի ձայնը հաշվառել է հանրապետական թեկնածու Միթ Ռոմնիի օգտին այն դեպքում, երբ ընտրողը քվեարկել է գործող նախագահ, դեմոկրատ Բարաք Օբամայի օգտին: Այս մասին հայտնում է NBC-ն:
Սարքի աշխատանքի նման «ընդունակությունը» հայտանբերել է ընտրողերից մեկը՝ մասնագիտությամբ ծրագրավորող, որը քվեարկել է Օբամայի օգտին, սակայն ստուգիչ վանդակում նկատել Ռոմնիի անունը:
Դրանից հետո ծրագրավորողը փորձել է ընտրել Կանաչների թեկնածու Ջիլ Սթեյնին, սակայն մեքենան գործել է անխափան:
Նա դիմել է դիտորդներից մեկին և անտարբեր վերաբերմունքի արժանացել: Ընտրողին հաջողվել է ավտոմատ սարքի աշխատանքի վրա ուշադրություն հրավիրել միայն այն բանից հետո, երբ նա այդ ամենը նկարահանել է և տեսանյութը տեղադրել YouTube-ում: Դրանից հետո, սարքն անմիջապես հեռացվել է ընտրատեղամասից:
Ֆիլադելֆիայում , Հանարպետական կուսակցության հայտարարությամբ, իր 75 դիտորդներին հեռացրել են քաղաքի տարբեր ընտրատեղամասերից:
Զավեշտալի դեպք է տեղի ունեցել նաև Ֆլորիդայում: Պինելաս ընտրատարածքի ընտրողներին հեռախոսային ծանուցմամբ տեղակացվել է, որ ընտրությունները տեղի կունենան չորեքշաբթի: Հաղորդագրությունը պետք է տարածեին երկուշաբթի, սակայն այն տարածվել է երեքշաբթի:
