Բրազիլիայի հյուսիս-արևելյան Սերժիպի նահանգում զբոսաշրջիկներով ավտոբուսի շրջվելու հետևանքով 21 մարդ զոհվել է, ավելի քան 20-ը վիրավորվել, փոխանցում է Associated Press-ը՝ հղում անելով տեղի ոստիկանությանը:
Դեպքը տեղի է ունեցել Կանինդե-դի-Սան-Ֆրանսիսկու մունիցիպալիտետում: Զբոսաշրջիկներով ավտոբուսը, որը շարժվել է դեպի Սեարա նահանգի Ֆորտալեզա քաղաք, դուրս է եկել ճանապարհից և շրջվել: Նախնական տվյալներով՝ ավտոբուսի վարորդը կտրուկ գործողության ժամանակ կորցրել է մեքենայի վերահսկողությունը՝ փորձելով խուսափել մոտոցիկլետի հետ բախումից: