Լեհաստանի «Պոլսկե Գուրնիցտվո Նաֆտովե ի Գազովնիցտվո» էներգետիկ կոնցեռնը ռուսական «Գազպրոմ»-ի հետ պայմանավորվել է հանրապետություն մատակարարվող բնական գազի գնի իջեցման հարցի շուրջ: Ընկերությունների ներկայացուցիչները Վարշավայում ստորագրել են հավելում, այսպես կոչված, Յամալյան համաձայնագրին, որը նախատեսում է համաձայնագրում ֆինանսական պայմանների փոփոխում: Այս մասին հայտնում է ITAR-TASS-ը՝ հղում անելով լեհական կոնցեռնի տարածած հաղորդագրությանը:
«Նոր գնային պայմանները արտացոլում են այն փոփոխությունները, որոնք տեղի են ունեցել վերջին տարիներին գազի եվրոպական շուկայում: Այն ձևակերպմամբ, որին մենք հանգել ենք բանակցությունների միջոցով, կհաշվվի ոչ միայն նավթամթերքների շուկայական գները, այլև կապույտ վառելիքինը »,- ընդգծվում է կոնցեռնի հաղորդագրությունում:
Ձեռք բերված համաձայնագիրը թույլ է տալիս դադարեցնել արբիտրաժային վարույթը Ստոկհոլմում, որը սկսվել էր փետրվարի 20-ին` լեհական կողմի նախաձեռնությամբ:
2010-ի հոկտեմբերի 29-ին Լեհաստանի և Ռուսաստանի միջև ստորագրվել են արձանագրություններ երկկողմ գազային համաձայնագրում փոփոխություններ մտցնելու մասին, որը կոչվում է Յամալյան: Այն նախատեսում է դեպի հանրապետություն բնական գազի մատակարարման ծավալի մեծացում մինչ 11 մլրդ խորանարդ մետրի՝ 2012-ին և հաջորդող տարիներին: Համաձայն ձեռք բերված համաձայնության՝ լեհական կողմը պետք է տարեկան ստանա 10,25 մլրդ խորանարդ մետր կապույտ վառելիք: Գնի սահմանման նոր ձևակերպումը, որի մասին պայմանավորվել են կողմերը, լեհական կողմին թույլ կտա տարեկան մինչև 1 մլրդ դոլար տնտեսել:
