«Փաստինֆո»-ն գրում է. «Առաջիկա ամսվա ընթացքում խորհրդարանում կքննարկվի անցնող տարվա պետական բյուջեի կատարողականը: Ինչպես ամեն տարի, կհնչեն լավ ու վատ գնահատականներ, կհնչեն ելույթներ` աննպատակ ծախսված սուղ միջոցների մասին, բայց շատ արագ կրքերը կհանդարտվեն ու կշարունակվի արդեն այս տարվա բյուջեի գումարների վատնումը:
Փաստն այն է, որ մեր բյուջեով նախատեսված մի շարք ծախսեր գոնե առաջին հայացքից իսկապես անտրամաբանական են թվում, մինչդեռ սոցիալական կարևոր ծրագրերի ու հատկացումների համար բյուջեում միշտ գումար չկա:
Օրինակ` պարզվում է` կան պետական մեծ ու փոքր կառույցներ, որոնք ֆինանսավորվում են բացառապես աշխատավարձ ստանալու համար, իսկ աշխատանքի արդյունքն այդպես էլ տեսանելի չէ: Դրանցից մեկն էլ Էկոնոմիկայի նախարարության «Նորամուծության եւ ձեռներեցության ազգային կենտրոն» ՊՈԱԿ-ն է:
Ուսումնասիրելով այս ՊՈԱԿ-ի ֆինանսական ծախսերը` հանգեցինք այն եզրակացության, որ այս կազմակերպությունն ստեղծվել է՝ ինչ-որ մարդկանց աշխատանքով ու աշխատավարձով ապահովելու համար: Եվ այդ առաքելությունն իրականացնում է արդեն 5-րդ տարին:
Մանրամասները՝ թերթի այսօրվա համարում
