Կանադայի Կալգարի նահանգի հյուսիս-արևելքում ճապոնական «Կարինո» փոքրիկ ռեստորանը զեղչեր է առաջարկում դաստիարակված երեխաների համար՝ հայտնում է СВС հեռուստաալիքը:
Ալիսիա Ուելշը և նրա ամուսին Դեյլին որոշել են այնտեղ տոնել Մայրերի օրը՝ իրենց հետ տանելով իրենց փոքր դստերը: Հաշվի մեջ, որը նրանք ստացել են, նշվել է՝ «Դաստիարակված երեխաները՝ -5 դոլար»:
«Ես երբեք նախկինում այսպիսի բան չեմ տեսել,- ասել է Ալիսիան:- Դա հրաշալի անակնկալ էր որպես լրացում հիանալի ճաշին»: Ալիսիայի ամուսինը՝ Դեյլին լուսանկարել է հաշիվը և այն տեղադրել Reddit հայտնի պորտալում: Պատմությունը մեծ տարածում է գտել համացանցում՝ հատկապես ԱՄՆ-ում և Մեծ Բրիտանիայում:
«Մենք իսկապես երջանիկ ծնողներ ենք, մեր աղջիկը շատ հանգիստ է, կյանքից գոհ»,- ասել է Ալիսիան:
Ռեստորանի տերը՝ Տոշի Կարինոն, ասել է, որ երեխաների լավ վարքի համար զեղչն իր ռեստորանում գործում է մոտ մեկ տարի: «Ռեստորանը շատ փոքր է՝ 35 մարդու համար, սեղանների միջև շատ փոքր հեռավորությամբ»,- ասել է նա՝ բացատրելով, թե ինչու է կարևոր, որ հաճախորդ երեխաները դաստիարակված լինեն:
