Ընտրություններից հետո ներդրողների ամենահավանական ռեակցիան կլինի թեթևության զգացումը, թեև թեթևությունը կարող է տևական չլինել,- գրում է The Wall Street Journal-ը:
Իրազեկումը, թե ով կլինի նախագահ և ինչպիսին կլինի Ներկայացուցիչների պալատն ու Սենատը, կբերի ցանկալի պարզորոշություն:
Ընկերությունները, որոնք հետաձգում են ծրագրերը մինչ ղեկավար մարմնի հայտնի դառնալը, վերջապես կկարողանան շարունակել առաջ շարժվել:
Ինտերնետի բուքմեյքերական բորսաները, ինչպիսին են՝ Intrade-ն ու Betfair-ը, ցույց են տալիս, որ ամենայն հավանականությամբ կհաղթնի Օբաման՝ ասվում է հոդվածում:
Դատելով ֆոնդային շուկայում վերջին վաճառքների տվյալներից՝ ներդրողները, ինչպես երևում է, այդ կարծիքին են. Օբաման ցանկանում է ամենահարուստների համար բարձրացնել ներդրումների հարկի դրույքաչափերը:
Այլընտրանքային սցենարի, այսինքն՝ Միթ Ռոմնիի հաղթանակի դեպքում, Վաշինգտոնը, ըստ ամենայնի, կձեռնարկի որոշ ժամանավոր միջոցառումներ մինչև 2013-ի կեսերը, ինչը նրան ժամանակ կտա կարգավորելու բյուջետային հարցերը: Սակայն եթե դեմոկրատները մեծամասնությունը պահպանեն Սենատում, ապա բյուջեի հաստատման հետ կապված լուրջ խնդիրներ կառաջանան, քանի որ դեմոկրատները կպնդեն առողջապահական ծրագիրը, որից Ռոմնին խոստացել է հրաժարվել:
