Պուերտո Ռիկոյի կարգավիճակի մասին հանրաքվեն տեղի կունենա այսօր՝ ԱՄՆ-ի նախագահական ընտրությունների ու Կոնգրեսի ընտրությունների հետ նույն օրը:
Կղզու բնակիչները պետք է պատասխանեն՝ ուզո՞ւմ են, որ Պուերտո Ռիկոն պահպանի իր ներկայիս կարգավիճակը ԱՄՆ-ի տարածքում: Անկախ առաջին հարցին տված պատասխանից, քվեարկողներին պետք է առաջարկվի ընտրել կարգավիճակի 3 տարբերակ՝ անդամակցել ԱՄՆ-ին, լիակատար անկախություն կամ ԱՄՆ-ի հետ զուգորդված երկրի կարգավիճակ: Այս մասին հայտնում է RIA Novosti-ն:
Ներկայիս կարգավիճակը, որի պահպանման համար բնակիչներն արդեն քվեարկել են 1967, 1993 ու 1998 թվականներին, Պուերտո Ռիկոյին թույլ չի տալիս լիարժեք կերպով ներկայացված լինել ԱՄՆ Կոնգրեսում, և կղզում ծնված մարդկանց՝ մասնակցել ԱՄՆ նախագահի ընտրություններին, չնայած ամերիկյան քաղաքացիությանը:
