Թբիլիսիից 40 կմ հեռու գտնվող Քսանի գաղութի մոտ 15 բանտարկյալ, ի նշան բողոքի, կարել են իրենց բերանները` պահանջելով գաղութի նոր ղեկավարություն նշանակել: Այս մասին հայտարարել է իրավապաշտպան Դմիտրի Լորդկիպանիձեն:
«Բանտարկյալների մի մասը պնդում է, որ իրենց սպառնում են սպանել և գաղութի տարածք հատուկ ծառայություն (спецназ) բերել: Դրա հետ մեկտեղ, ուղղիչ աշխատանքային գաղութի աշխատակիցները դեռ բանտարկյալների դեմ արգելված ոչինչ չեն արել»,- ասել է Լորդկիպանիձեն:
Նա նաև ասել է, որ որոշ բանտարկյալներ զանգահարել են իրենց հարազատներին, նրանց խնդրել անընդհատ հերթապահել բանտի մոտ, հակառակ դեպքում` իրենց կսպանեն:
Վրացական ԶԼՄ-ների հաղորդմամբ` նոյեմբերի 5-ի գիշերը №15 գաղութի բանտարկյալների մի քանի տասնյակ հարազատներ փորձել են ներխուժել գաղութի տարածք: Փորձը կանխել են անվտանգության աշխատակիցները, որոնցից մեկը վնասվածքներ է ստացել:
Պատիժների իրագործման և իրավական օգնության նախարարՍոզար Սուբարին հայտարարել է, որ ներկայումս գաղութում իրավիճակը հանգիստ է, այն սրում են միայն հաստատության մոտ հավաքված մարդիկ:
Սուբարին նշել է, որ գաղութի տարածք հատուկ ծառայություն չի մտցվել:
