Ջո Դասսենը (ամբողջական անունը` Ջոզեֆ Այրա Դասսեն) ծնվել է 1938-ի նոյեմբերի 5-ին Նյու Յորքում, հայտնի կինոռեժիսոր Ժյուլ Դասսենի և ջութակահարուհի Բետրիս Լոների ընտանիքում: Տղայի ծնունդից հետո Ջոյի ընտանիքը տեղափոխվում է Լոս Անջելես: 1940-ականների վերջին նրանք ստիպված լքում են ԱՄՆ-ը, գնում Փարիզ: Ջոզեֆն այնտեղ սովորում է էլիտար շվեյցարական դպրոցում, հետո 4 տարում մի քանի անգամ փոխում է դպրոցը. դպրոց է հաճախում Իտալիայում, Ժնևում, բակալավրի աաստիճան է ստանում Գրենոբլում: ԲՈՒՀ-ում սովորելու համար նա վերադառնում է ԱՄՆ, ավարտում է Էնն Արբորի համալսարանը: 1958-ին Ջոն հոր «Օրենք» ֆիլմի համար մի քանի երգ է գրում: Ավարտում է իր դիսերտացիան և վերադառնում Եվրոպա: Այնտեղ նա աշխատում է որպես հոր օգնական նկարահանումների ժամանակ, հաղորդավար, լրագրող «Փլեյբոյ»-ում:
Երաժշտության բնագավառում հաջողության հասնել օգնում է նրա առաջին կինը` Մարիսը, որը նրա 26-ամյակի առթիվ ձայնագրել էր Թոյի սիրողական երգերի սկավառակը: Ստուդիայի աշխատակազմը, գնահատելով Թոյի տաղանդը, նրան համոզում է պայմանագիր կնքել: Մի քանի անհաջող փորձերից հետո 1966-ին Excuse Me Lady երգը հիթ է դառնում: Նրա անկրկնելի վոկալը Les Dalton, Guantanamera, Siffler sur la colline, Les Champs-Élysées, Le Moustique, Si tu t’appelles mélancolie, L’Été indien և Le Café des trois colombes երգերում նրան հայտնի են դարձրել երկրագնի բոլոր անկյուններում: Երգչի կյանքն ընդհատվել է 1980-ի օգոստոսի 20-ին Թաիթիում` սրտի կաթվածից:
