ԱՄՆ-ում այսօր նախընտրական արշավի վերջին օրն է: Նախագահական ընտրությունները տեղի կունենան վաղը՝ նոյեմբերի 6-ին:
Սոցհարցումների տվյալների համաձայն՝ գլխավոր հավակնորդները՝ պետության ներկայիս ղեկավար, դեմոկրատ Բարաք Օբաման և Հանրապետական կուսակցության թեկնածու Միթ Ռոմնին ունեն հաղթանակի գրեթե հավասար շանսեր: Օբաման մի փոքր առաջ է մրցակցից մի քանի՝ այսպես կոչված՝ «տատանվող» նահանգերում, որոնց շարքում են Օհայոն, Վիսկոնսինը, Նյու Հեմփշիրը, Կոլորադոն, Այովան: Հենց այս նահանգների ընտրողների դիրքրորոշումն էլ կարող է որոշել նախագահական ընտրությունների ելքը: Այս մասին հայտնում է «Ազատություն» ռադիոկայանի ռուսական ծառայությունը:
Կիրակի ելույթ ունենալով Նյու Հեմփշիրի ընտրողների առջև՝ Բարաք Օբաման խոստացել է ներդնել բոլոր ջանքերը՝ հասնելու համար իրական փոփոխությունների:
Միթ Ռոմնին ելույթ է ունեցել Օհայո նահանգում: Նա հայտարարել է, որ Օբաման գործնականում ոչնչի չի հասել նախագահության ժամկետում և արժանի չէ վերընտրման:
Հաղթանակի համար նրանց անհրաժեշտ է առնվազն 270 ընտրողի աջակցությունը, որից 18-ը Օհայոյում են: