Աթենքի «Խիտիրիո» թատրոնը հայտարարել է, որ դադարեցնում է Corpus Christi «աստվածանարգ» պիեսի ցուցադրությունը: Այս մասին հաղորդում է RIA Novosti-ն՝ վկայակոչելով հունական ԶԼՄ-երը:
Ամերիկացի դրամատուրգ Տերենսա Մակնելիի Corpus Christi (Քրիստոսի մարմինը) պիեսը Քրիստոսին և առաքյալներին պատկերում է Տեխասում ապրող հոմոսեքսուալների կերպարով:
Հարյուրավոր ուղղափառ հավատացյալներ և «Ոսկեգույն արևածագ» նեոֆաշիստական կուսակցության ներկայացուցիչները ընթացիկ տարվա հոկտեմբերին մի քանի անգամ խափանել են պիեսի պրեմիերան: Ցույցերն ուղեկցվել են ոստիկանության հետ բախումներով:
Հունական իրավապաշտպան կազմակերպությունները պիեսի ցուցադրությունից հրաժարվելն ընկալել են որպես բռնություն խոսքի ազատության նկատմամբ:
