ՀՀ նախկին վարչապետ, ԱԺ ՀԱԿ խմբակցության անդամ Հրանտ Բագրատյանից այսօրվա ասուլիսում լրագրողները հետաքրքրվեցին` ինչ է կարծում վարչապետ Տիգրան Սարգսյանի այն հայտարարության կապակցությամբ, համաձայն որի` Սերժ Սարգսյանի հանձնարարությամբ կոռուպցիայի դեմ պայքարը խստացվելու է, և վիրահատական միջամտություններ են կիրառելու:
«Այս ամբողջ ձևակերպումներից` կոռուպցիայի դեմ պայքար, վիրահատական միջամտութուն, իմ սրտանոթային համակարգը կարող է չդիմանալ, էլի»,- ասաց նա:
Կոռուպցիայի դեմ պայքարի խորհրդի նիստին հրավիրվելու են նաև ընդդիմադիրները:
Հրանտ Բագրատյանի խոսքով` իր առաջարկները կվերաբերեն հարկերին: Պետք է կիրառվի հավասար հարկում, բոլորը պետք է հարկվեն: «Հայտնի բան է, որ բոլորը չեն հարկվում: Հանրապետության նախագահի կողմից ցուցում կա` ում հարկել, ում չհարկել: Հայտնի բան է սա. տեսնում եք` արդեն հուզվում եմ, իսկ իմ տարիքում չի կարելի հուզվել»,- ընդգծեց Բագրատյանը:
Լուսանկարը PanARMENIAN Photo-ի
