Նկարիչ-գրաֆիտիիստ Բենքսին հայտարարությամբ է հանդես եկել՝ ի պաշտպանություն իր աշխատանքը սեփականաշնորհողի: Այս մասին հայտնում է Independent-ը:
Բրիստոլում (Մեծ Բրիտանիա) դեռահասների համար նախատեսված Broad Plains Boys ակումբի սեփականատերերն իրենցով էին արել ակումբից ոչ հեռու գտնվող՝ Քլիմենթ փողոցի դռներից մեկը, որի վրա Բենքսին նկարել էր գրկախառնված զույգի, ովքեր տարված են իրենց սմարթֆոններով:
Ակումբի ներկայացուցիչները ցանկացել են ցուցադրել նկարը, որպեսզի կարգի բերեն հաստատության ֆինանսական վիճակը: Գործին, սակայն, միջամտել է Բրիստոլի քաղաքային խորհուրդը, որն առգրավել է աշխատանքը՝ հօգուտ տեղի թանգարանի: Բենքսիի կարծիքով՝ «Սմարթֆոններով զույգը» պետք է վերադարձվի ակումբին:
