Շաբաթական մեկ ուրախ երեկույթը կարող է մեկ տարի հետո 12կգ-ով չաղանալու պատճառ դառնալ: Խնդիրը բնավ ալկոհոլի մեջ չէ: Slimming World բրիտանական կազմակերպության սոցիոլոգները 2000 մարդկանց շրջանում հարցում անցկացնելով, պարզել են, որ ալկոհոլի սիրահարների ճարպակալման պատճառը ոչ թե խմիչքն է, այլ դրա հետ օգտագործվող սնունդը, ինչպես նաև այն սնունդը, որի օգնությամբ նրանք պայքարում են հարբածության ախտանիշների դեմ առավոտյան: Սովորաբար, բրիտանացիները պիցցա են պատվիրում կամ էլ կիսաֆաբրիկատներ են տաքացնում երեկույթի հաջորդ առավոտյան: Նման նախաճաշը իր մեջ պարունակում է մինչև 5000 կալորիա, որը միանգամից ավելացնում է ճարպի պարունակությունը 900 գրամով: Հետազոտողները հաշվարկել են, որ տղամարդկանց մոտ ախորժակի նկատմամբ վերահսկողության կորուստը տեղի է ունենում 2 լիտր գարեջուր խմելուց հետո, իսկ կանանց մոտ` 2-3 բաժակ գինուց հետո: Որքան հաճախ են մարդիկ անցնում այդ շեմը, այնքան դժվար է դառնում ավելորդ քաշից ազատվելը, անգամ եթե շաբաթվա մնացած 6 օրը նրանք առողջ ապրելակերպ են վարում:
