Օկինավա կղզում ԱՄՆ զինծառայողների մասնակցությամբ ևս 1 դեպք է տեղի ունեցել: Ճապոնիայի կառավարությունն այս առիթով արդեն բողոք է ներկայացրել, Վաշինգտոնը ներողություն է խնդրել դեպքի համար:
Հայտնում են, որ այսօր գիշերը ռազմաօդային ուժերի 24-ամյա ծառայողը թողել է Եմիտանում իր ծառայությունը, խմել է բարում, հետո ներխուժել նույն շենքի երրորդ հարկ, ծեծել այնտեղ ապրող դեռահասին և ջարդել հեռուստացույցը: Հետո զինվորը դուրս է թռել պատուհանիսց` լուրջ վնասվածքներ ստանալով:
Ոստիկանությունն ամերիկացուն հիվանդանոց է տարել, և քրեական գործ է հարուցվել:
Ճապոնիայի ԱԳՆ ղեկավար Կոիտիրո Գեմբան տեղի ունեցածն անվանել է «վրդովեցուցիչ»:
Հոկտեմբերին Օկինավա կղզում դեպքից հետո ամերիկյան իշխանությունները Ճապոնիայում ամերիկյան բանակի բոլոր ծառայողների համար պարեկային ժամ են հայտարարել: Հիշեցնենք` ամերիկյան բանակի զինծառայողներ էին ձերբակալվել Օկինավայում ճապոնացի աղջկա խմբակային բռնաբարության մեղադրանքով:
