Իրանի միջուկային ծրագրի հարցով բանակցությունների վերջնական շրջանակը կորոշի երկրի հոգևոր գերագույն առաջնորդ Ալի Խամենեին՝ հայտարարել է Իրանի խորհրդարանի ազգային անվտանգության և արտաքին քաղաքականության հարցերով կոմիտեի ղեկավար Ալադին Բորուջերդին: Այս մասին հայտնում է իրանական Mehr տեղեկատվական գործակալությունը:
Բորուջերդիի խոսքով՝ իր գլխավորած կոմիտեն դիտորդների շղթայի օղակներից մեկն է, սակայն վերջնական որոշումը պետք է ընդունի Խամենեին:
ԱՄՆ-ը, Արևմուտքի մի շարք երկրներ և Իսրայելն Իրանին կասկածում են ատոմային խաղաղ ծրագրի քողի ներքո միջուկային զենքի մշակման մեջ: Թեհրանը հայտարարում է, որ իր միջուկային ծրագիրը բացառապես խաղաղ բնույթ ունի:
2013 թվականի նոյեմբերին Ժնևում պայմանավորվածություն է ձեռք բերվել Իսլամական Հանրապետության նկատմամբ ԱՄՆ-ի և ԵՄ-ի պատժամիջոցների թեևացման դիմաց միջուկային ծրագրի սահմանափակման մասին: Այդ պայմանավորվածությունն ուժի մեջ է մտել 2014-ի հունվարի 20-ին:
