Իշխող Հանրապետական խմբակցության ղեկավարի պաշտոնում առաջարկվել և միաձայն ընդունվել է ՀՀԿ պատգամավոր Վահրամ Բաղդասարյանի թեկնածությունը:
Քվեարկությունը շատ կարճ տևեց, Բաղդասարյանը լրագրողներին հավաստիացրեց, որ իր թեկնածության հարցում ոչ մի տարաձայնություն չի եղել:
Նա նաև տեղեկացրեց, որ իր համար անակնկալ էր խմբակցության ղեկավարի պաշտոնը զբաղեցնելու առաջարկը, իսկ թե կոնկրետ որ արժանքիների համար են առաջարկել՝ Բաղդասարյանը դժվարացավ նշել. «Ես փորձեր չեմ կատարել լինելու խմբակցության ղեկավար. այս առաջարկն ինձ համար անակնկալ էր»:
Կկարողանա՞ արդյոք այնքան խիստ լինել, որ պատգամավորներին քվեարկության համար «բերման ենթարկի» խորհրդարան՝ հարցին ի պատասխան՝ Վահրամ Բաղդասարյանն ասաց. «Հնարավոր է՝ լինեն բացակայություններ, ինձ թվում է՝ մյուս խմբակցություններն էլ ողջամիտ կմոտենան խնդրին»:
Մանրամասները՝ տեսանյութում:
