Կոտայքի մարզպետ Կովալենկո Շահգալդյանի հրաժարականի լուրը Պռոշյան գյուղում, որտեղ մեկ տարի առաջ սպանվեց Հրաչ Մուրադյանը, և որտեղ մեծ էր դժգոհությունը Կոտայքի մարզպետից, չեն ողջունում:
Նրա հրաժարականն ընդհանուր Հանրապետությունում կատարվող փոփոխությունների համատեքստում պետք է դիտարկել. «Առաջին լրատվական»-ի հետ զրույցում ասաց Պռոշյանի գյուղապետի նախկին թեկնածու, ՀՅԴ-ական Վովա Սահակյանը՝ հավելելով, որ Պռոշյանի հետ կապված չէ նրա հրաժարականը:
«Կովալենկո Շահգալդյանը կգա, թե Պողոս Պողոսյանը՝ դա չէ կարևոր։ Կարևորը համակարգային փոփոխություններն են, որոնց սպասում ենք: Թե չէ, մարզպետ փոխելով բան չի փոխվի: Ես սպասելիք չունեմ, որ նրա փոխվելով՝ Հրաչ Մուրադյանի սպանության գործում որևէ փոփոխություն կլինի»,- ասաց Վովա Սահակյանը:
Հարցին ի պատասխան՝ շատ պռոշյանցիներ մարզպետին և ՀՀԿ-ին մեղադրում էին Հրաչ Մուրադյանի սպանության մեջ, հնարավո՞ր է կծիկը բացվի, Վովա Սահակյանը նշեց. «Մենք ոչ մի բան չենք բացառում, և չկա անհնարին ոչ մի բան, մենք հավատում ենք, որ մի օր կբացահայտվի։ Թե հիմա բացահայտումը կհամընկնի՞ Կովալենկո կոչվածի հրաժարականի հետ՝ չեմ կարող ասել, բայց մենք հավատում ենք, որ պետք է բացահայտվի, …պարզապես մարդկային զարհուրելի տեսակ էր»:
Վովա Սահակյանը նշեց, որ պետական այն միջոցները, որ հատկացվել են մարզին, համամասնորեն չեն բաշխվել. դրա 70-80 տոկոսը հատկացրել է Չարենցավան քաղաքին, որտեղ իր տղան քաղաքապետ է, և այն, որ համայնքներում բաշխումը ըստ կարևորության չի արվել՝ միանշանակ է:
Նա նշեց, որ այս հրաժարականին պռոշյանցիները չէին սպասում, քանի որ իրենց բացարձակապես հետաքրքիր չէ:
