2012 թ. հունվարի 1-ից մինչև հոկտեմբերի 25-ն ընկած ժամանակահատվածում սոցիալական փաթեթի շրջանակներում բժշկական ապահովագրության կտրոններ ստացել են 104 հզ. 283 պետական աշխատողներ, իսկ սոցփաթեթի շրջանակներում նույն ժամանակահատվածում պետական բյուջեից ֆինանսավորումը կազմել է 8 մլրդ 25 մլն 266.5 հազ. դրամ: Այս մասին «Առաջին լրատվական»-ի հարցմանն ի պատասխան` հայտնեցին ՀՀ ֆինանսների նախարարության տեղեկատվության և հաարակայնության հետ կապերի բաժնից:
Հատկացված ֆինանսավորումից բժշկական ապահովագրությանն ուղղվել է 6 մլրդ 583 մլն 400.8 հազ. դրամ, հիփոթեքային վարկի ամսական վճարի մարմանը` 49 մլն 263.7 հազ. դրամ, ուսման վճարների փոխհատուցմանը` 773 մլն 862.9 հազ. դրամ, հանգստի ծախսերի փոխհատուցմանը՝ 618 մլն 739.0 հազ. դրամ գումար:
Հիշեցնենք, որ 2012 թ. պետական բյուջեում սոցիալական աջակցության փաթեթի համար նախատեսվել է 18 մլրդ դրամ: Ենթադրաբար փաթեթից պետք է օգտվի մոտ 120 հազար մարդ, մեկ անձի կամ մեկ դրույքի սահմանաչափը 132 հազ. դրամ է:
