Պարուհի Դոն Նոելը դատի է տվել հայտնի երգչուհի Բրիթնի Սփիրսին քիթը ջարդելու պատճառով՝ գրում է TMZ-ն:
Դեպքը տեղի է ունեցել երաժշտական տեսահոլովակի նախապատրաստական աշխատանքների ժամանակ: Փորձի ժամանակ երգչուհին պատահաբար հարվածել է պարուհու քթին, ինչի պատճառով վերջինիս քիթը ջարդվել է: Աղջկա խոսքով՝ հարվածն այնքան ուժեղ էր, որ այն լսել են բոլոր ներկաները:
Երգչուհին ներողություն է խնդրել ու շարունակել փորձը:
Կես ժամ անց աղջիկը դիմել է բժշկական օգնության: Բժիշկներն ախտորոշել են քթի միջնապատի կոտրվածք:
Դոնի խոսքով՝ երգչուհու գործակալները խոստացել են վճարել կայանալիք վիրահատության ծախսերը, սակայն մի քանի ամիս հետո աղջկան մերժել են փոխհատուցում տրամադրել:
Ներկայում Սփիրսի դեմ հայցը քննվելու է Լոս Անջելեսի գերագույն դատարանում:
