Հաջորդ տարի առողջապահության ոլորտին բյուջեից հատկացվող գումարներից 15 մլն դրամը նախատեսվում է 4 բարձրաստիճան անձանց մատուցվող բուժծառայությունների համար: ՀՅԴ պատգամավոր Արծվիկ Մինասյանը հետաքրքրվեց, թե ովքեր են այդ 4 անձինք և ինչ ծառայություններ են դրանք:
«Երկրի ղեկավարների համար կանխարգելիչ նպատակով են օգտագործվելու: Դա է. ավելին բացատրելու խնդիր չունեմ: Անվտանգության հետ է կապված»,- պատասխանեց առողջապահության նախարար Դերենիկ Դումանյանը՝ չմանրամասնելով, թե նրանք որ 4 պաշտոնյաներն են:
Նկատենք, որ այդ 4 բարձրաստիճան անձանց մեջ ՀՀ նախկին նախագահները չեն մտնում:
Լուսանկարը՝ PanARMENIAN Photo-ի
