Վառնա քաղաքից 40 կմ արևմուտք գտնվում է Պրովադիա ոչ մեծ քաղաքը, որի բնակչության թիվը ընդամենը 13 հազար է: Սակայն հենց այդտեղ է գտնվում երկրի աղի արդյունահանման ձեռնարկությունը:
Հետազոտելով Պրովադիայի մերձակայքը, հետազոտողները զարմանալի բացահայտում են կատարել. պարզվել է, որ այստեղ աղ են արդյունահանել դեռևս 7000 տարի առաջ:
«Մեր գնահատմամբ՝ Քծա 4,7-4,2 հազար տարի առաջ այստեղ եղել է ոչ մեծ բնակավայր, որտեղ ապրել է 300-350 մարդ: Տեղացիները աղ են արդյունահանել տարբեր մեթոդներով, ու այն օգտագործել են ոչ միայն սննդի մեջ, այլև որպես փոխանակման միջոց»,- պատմում է Բուլղարիայի ակադեմիայի հնագիտության ինստիտուտի պրոֆեսոր Վասիլ Նիկոլովը:
Պեղումների ժամանակ հնագետները բացահայտել են 2-3 մետր բարձրությամբ շինությունների պատեր, ավերակներ: Ուսումնասիրողների խոսքով՝ այդ քարե պատերը Եվրոպայում հնագույն ամրություններ են եղել:
Գիտնականները պեղել են նաև կերամիկայից իրեր, պղնձե՝ քորոցի նմանվող զարդեր: Գիտնականների շրջանում հետաքրքրություն է առաջացրել հին գերեզմանատունը: Դատելով հայնաբերված առարկաներից՝ հին ժամանակներում գոյություն է ունեցել դասակարգային բաժանում:
