Այսօր պաշտպանության նախարարության Սպայի տանը «Ճանաչենք նրանց» խորագրի ներքո արցախյան ազատամարտում մեծագույն ավանդ ունեցող, Արցախի հերոս, գեներալ-մայոր Արկադի Տեր-Թադևոսյանը, գեներալ-մայոր Ֆելիքս Գզողյանը, ազատամարտի միակ կին հրամանատար Անահիտ Մարտիրոսյանը հանդիպեցին երիտասարդներին և պատանիներին:
Գեներալ-մայոր, Արցախյան ազատամարտի հերոս Արկադի Տեր-Թադևոսյանն իր ելույթում նշեց. «Պաշտպանելով մեր երկիրը, Հայաստանն ու Արցախը՝ մենք կասեցրինք Թուրքիայի և Ադրբեջանի ծրագիրը. նրանց նպատակն էր Սևանում լողանալը, մեզ ոչնչացնելը։ Վերջիվերջո, Հայաստանը նրանց կոկորդին մնացած փուշ է»,- ասաց նա՝ հավելելով, որ մեր ազգը փոքր ազգ է, ու թեև ինքը՝ որպես զինվորական՝ տասը տարիների հաշվարկել է, թե ինչպես պետք է կռվել թշնամու դեմ, այդ հաշվարկները անելիս հասկացել է, որ մենք դժվարին վիճակում ենք, ոչ զենք ունենք, ոչ զինամթերք, մեր ազգը, սակայն, ապացուցեց, որ զինվորական օրենքները գլխավոր օրենքները չեն կռվի դաշտում, այլ մեր մարտական ոգին:
«Ադրբեջանը ունի Թուրքիա, ամեն մի պետություն ունի իր մեծ եղբայրը, մենք ոչ մեծ եղբայր ունենք, ոչ փոքր, մենք մենակ ենք, մեր ուժը մեր միասնականության, մեր ժողովրդի մեջ է»,-նշեց Կոմանդոսը:
Ավելին՝ տեսանյութում:
