Ռուս երգիչ Դիմա Բիլանը MTV–ի հեռուստադիտողների կողմից ճանաչվել է «Լավագույն եվրոպական արտիստ»: Ինչպես հաղորդվում է MTV EMA երաժշտական մրցանակի պաշտոնական կայքում, Դիմա Բիլանը նաև պայքարելու է MTV–ի մրցանակի համար՝ «Լավագույն միջազգային արտիստ» անվանակարգում, որտեղ նրա մրցակիցը լինելու է Ռիհաննան, ով ներկայացնելու է Հյուսիսային Ամերիկան:
Ռուս երգիչն առաջին անգամ է արժանացել MTV EMA–ի «Լավագույն եվրոպական արտիստ» մրցանակին: Այս մրցանակի համար պայքարում էին 20 կատարողներ, այդ թվում նաև «Եվրատեսիլ-2012»-ի հաղթող, շվեդ Լորինը:
Հիշեցնենք, որ Դիմա Բիլանը հաղթել է «Եվրատեսիլ-2008» մրցույթում, ինն անգամ արժանացել է MTV Russia Music Awards մրցանակին, և յոթ անգամ` MTV Europe Music Awards մրցանակին «Լավագույն ռուս արտիստ» անվանակարգում:
