Թուրքական TRT Haber հեռուստաալիքի փոխանցմամբ՝ Թուրքիայի վարչապետ Ռեջեփ Էրդողանն այսօր մեկնել է Գերմանիա: Գերմանական այցից առաջ Էրդողանը հանդիպել է լրագրողների հետ և հայտարարել, որ Գերմանիան զգալի դեր է խաղում այն եվրոպական երկրների թվում, որոնցում առկա են «Քրդստանի աշխատավորական կուսակցության» (PKK) մասնաճյուղեր.
«Այդ ահաբեկչական մասնաճյուղերը բավական ակտիվորեն գործում են նաև Գերմանիայում: Տվյալ հարցի քննարկումն ընդգրկված է գերմանացի պաշտոնատար անձանց հետ իմ ունենալիք հանդիպումների օրակարգում»:
Ավելի վաղ Էրդողանը հայտարարել էր, թե Գերմանիայում է գտնվում 13,000 PKK-ական. «PKK-ի ներկայացուցիչները գումարներ են բռնագանձում քուրդ գործարարներից՝ իրենց շահադիտական նպատակների համար: Վերջին տարիներին PKK-ն էականորեն ակտիվացրել է եվրոպական մի շարք երկրներում իր լոբբիստական գործունեությունը»:
