Լոնդոնի «Չելսի»-ի պաշտպան Ջոն Թերին և նրա ակումբակից Էդեն Ազարը պատրաստ են մասնակցել Չեմպիոնների Լիգայի գավաթի խաղարկության կիսաեզրափակիչի` Մադրիդի «Ատլետիկո»-ի դեմ պատասխան հանդիպմանը:
Հիշեցնենք` Ազարը վնասվածք էր ստացել ՊՍԺ-ի դեմ խաղում, իսկ Թերին վնասել էր ազդրը «Ատլետիկո»-ի դեմ առաջին հանդիպմանը:
«Ազարը պատրաստ է դուրս գալ խաղադաշտ: Ես կորոշեմ, կմասնակցի՞ արդյոք նա «Ատլետիկո»-ի դեմ հանդիպմանը, թե` ոչ: Ինչ վերաբերում է Թերիին, ապա նա խաղում է նույն մակարդակով, ինչ 2007/08 թվականների մրցաշրջանում, երբ ես հեռացա «Չելսի»-ից: Այսքան տարի անց նա շարունակում է բարձրակարգ ֆուտբոլ ցուցադրել»,- ասել է Մոուրինյոն:
