Գիշերները Ադոլֆ Հիտլերը գաղտնի կերել է շոկոլադե թխվածքաբլիթ և սերուցքով բուլկի՝ գրում է The Daily Mail-ը: Նման հայտարարությամբ է հանդես եկել Հիտլերի նախկին աղախինը՝ Էլիզաբեթ Կալհամերը: Նշվում է, որ 89-ամյա Կալհամերը 71 տարում առաջին անգամ է կիսվել Հիտլերի մասին հիշողություններով:
Նացիստների առաջնորդի մոտ օգնականները կարծել են, թե նա խիստ դիետա է պահպանել, սակայն Կալհամերի խոսքով՝ գիշերները նա «ռեյդ» է կազմակերպել խոհանոցում:
Կալհամերը Բերգհոֆ նստավայրում աշխատանքի է անցել 1943 թվականին՝ արձագանքելով տեղական թերթերից մեկում հայտնված հայտարարությանը: Սկզբում նա չի իմացել, որ գործատուն Հիտլերն է: Աղախինը նրա մոտ աշխատել է համարյա մինչև Երկրորդ համաշխարհային պատերազմի ավարտը:
