Ռուսական Sport-express պարբերականը հրապարակել է հոդված, որտեղ անդրադառնում է Հայաստանի ազգային հարձակվող Յուրա Մովսիսյանի խաղին իր ակումբի՝ Մոսկվայի «Սպարտակ»-ի կազմում: Հոդվածում նշվում է, որ Մովսիսյանը «Սպարտակ»-ի կազմում միակ մարտիկն է, ով պայքարում է թիմի անհաջողությունների դեմ: Պարբերականը քննադատության է արժանացնում նաև Օլեգ Ռոմացևի քննադատական կարծիքը Մովսիսյանի հասցեին:
« «Կարծում եմ՝ Մովսիսյանի տրանսֆերը «Սպարտակ»-ի սխալն էր: Նրա հետ չար կատակ խաղաց առաջին խաղում հեթ-տրիկը: Նա գերազանց խաղացող է, բայց նրա ներկայության պայմաններում «Սպարտակ»-ը կամաց-կամաց կորցնում է խաղաոճը: պաշտպանները, կիսապաշտպանները դադարել են մտածել կոմբինացիաների մասին: Տրամաբանությունը պարզ է՝ կա հարձակվող, ով կարող է վճեռել հանդիպման ելքը: Ահա և կծանրաբեռնենք նրան: Եթե թիմը խաղում է առաջատարի համար, դա վատ է: Լավ է, երբ առաջատարն է խաղում թիմի համար»,- ապրիլի սկզբին հայտարարել էր Օլեգ Ռոմանցևը:
Թող ների լեգենդար մարզիչը, բայց նրա խոսքերից բացակայում է տրամաբանությունը: Ստացվում է, որ Մովսիսյանի խնդիրն այն, որ նա կարող է ցանկացած պահի առանձնանալ երկու ոտքերի մահացու հարվածներո՞վ: Այդ դեպքում ինչո՞վ էր գերազանցում նրան Վելիտոնն իր լավագույն տարիներին, ով հարմար փոխանցման էր սպասում՝ պաշտպաններին անցնելու համար: Ի՞նչ թիմ է սա, որը ղեկավարվում է ոչ թե մարզչի կողմից, այլ հույսը դնում է հարձակվողի հնարավորությունների վրա: Այս դեպքում խնդիրը ոչ թե Մովսիսյանի, այլ «Սպարտակ»-ի և նրա ձեռք բերած կիսապաշտպանների մեջ է»,- գրում է պարբերականը:
«Աշնանը թիմը գրոհում էր եզրերով, փոխանցումներ էր կատարում կոնտրոն՝ Մովսիսյանին, բազմազան խաղ էր ցուցադրում: Դա անհետացավ ձմռանը, որի պատճառը ներքին վիճաբանություններն են: Վերջին խաղերում հայ հարձակվողը ցուցաբերում է հատկանիշներ, որոնք այնքան պակասում են ռուս հարձակվողներին:
Ինչպե՞ս է Մովսիսյանին «Սպարտակ»-ում ստեղծված նման իրավիճակում հաջողվել պահպանել մարտական ոգին: Դրա պատճառը հարավային խառնվածքն է: Նկատվում է նաև նրա կապն ամերիկյան պրոֆեսիոնալ սպորտի հետ՝ յուրաքանչյուրը պետք է իր աշխատանքը կատարի որակյալ, հատկապես, եթե դրա համար միլիոններ է ստանում:
Կբավականացնե՞ն «Սպարտակ»-ին այս վերջին մարտիկի հրաշագործությունները՝ մրցաշրջանը և կարպինյան ժամանակահատվածն ընդհանրապես արժանապատիվ ավարտելու համար: Ակնհայտ է, որ ամռանը կարմիր-սպիտակներին լուրջ փոփոխություններ են սպասվում»:
