«Առաջին լրատվական»-ի զրուցակիցն է ԵՊՀ պատմության ֆակուլտետի դեկան Էդիկ Մինասյանը
–Պարոն Մինասյան, ըստ Ձեզ՝ մեր պատմության դասագրքերը որքանո՞վ են արտացոլում մեր իրական պատմությունը: Վերջերս պատմաբաններից մեկը նշեց, որ, օրինակ, Քեսաբը բացակայում է մեր պատմության դասագրքերում:
-Դասագրքերն իրենց մեջ ամփոփում են պատմական եղելություններն ու իրադարձությունները, ինքս էլ եմ դասագրքերի հեղինակ, հատկապես նորագույն շրջանի պատմության: Պարզապես այստեղ Քեսաբին պետք է անդրադարձ կատարվեր սփյուռքի հետ կապված Սիրիայի մեր հայկական համայնքը ներկայացնելիս: Անդրադարձ չի կատարվել նախ՝ ժամաքանակի որոշակի սղության պատճառով, երկրորդ՝ հայրենիք-սփյուռք կապերի ոչ հանգամանալից ներկայացնելու որոշ հանգամանքների պարագայում, բայց ընդհանրապես՝ կոնկրետ մեր բուհական դասագրքերում Սիրիայի հայկական համայնքը ներկայացվել է:
Առկա է ցավալի իրողություն.կան մարդիկ, ովքեր մտածում են, թե նորագույն շրջանի դեպքերը չպետք է ներկայացնել, դրանք դեռ պատմություն չեն դարձել, մոռանում են, որ պատմական իրողությունը պետք է շարադրել ժամանակի ոգունհամապատասխան: Դրա դրական կողմն այն է, որ դու քո աչքով ես տեսնում եղելությունը: Ես կողմնակից եմ, որ Քեսաբի պատմությունը մեր դասագրքերում տեղ գտնի:
–Նախորդ տարի բուռն քննադատություններիարժանացավ պատմության դասագրքի այն հատվածը, որը վերաբերում էր Մարտի 1-ի ողբերգական իրադարձություններին:Քանի դեռ Մարտի 1-ի էջը փակված չէ, արդյոք վաղ չէ՞ր այդ շրջանին անդրադառնալը:
-Վաղ չէ, խորհուրդ կտամ նայել ֆրանսիական, անգլիական, ընդհանրապես՝ եվրոպական պատմագիտական աշխատություններնու դասագրքերը, որոնցում շարադրված է ամբողջական պատմությունը, նաև ՌԴ-ում վերջերս հրատարակված ՌԴ պատմության դասագրքերում նկարագրված են դեպքեր ընդդիմության ցույցերից: Շարադրված է նաև պաշտոնական տեսակետը, քանի որ դու սերունդ ես դաստիարակում այդ դասագրքերով, ուստի որոշակի նպատակադրում պետք է ունենաս դրանցով:
Գոյություն ունեցող փաստաթուղթը հենց Մարտի մեկի դեպքերի հետ կապված ԱԺ փաստաթուղթն է, նաև Մարդու իրավունքների պաշտպանի զեկույցը, հնարավոր են նաև նոր փաստարկներ և վերլուծություններ:Հնարավոր է հայտնաբերվեն նոր նյութեր, նոր փաստեր, և հետագա լուծումների մեջ որոշակի տեսակետ զարգանա, բայց այսօր գոյություն ունեցող փաստերը դրանք են, և դրանց հիման վրա ենք գրում: Բացի այդ, օգտագործել ենք ընդդիմադիր մամուլի տեսակետները: Այստեղ շարադրված է, որ, իրենց հերթին, երկու կողմն էլ մեղավորություն ունեն, այսինքն՝ փաստերը միակողմանի չեն ներկայացված՝ ինչպես իրենք են պնդում: Այսօր դասագիրք գրելը դժվար և բարդ գործ է:
Հարցազրույցն ամբողջությամբ՝ տեսանյութում:
